第一個英雄 - Cereusly
Cereusly係hEROES嘅第一個英雄，而佢嘅真身係一位音樂人，咁呢個故事係點開始㗎呢？
啱啱開始籌備hEROES嘅時候，craft beer仲係比較小眾，受眾局限於一細班啤L同expats。但係呢位音樂人突破性搞咗香港第一個啤酒同音樂pairing嘅event。呢個event令一班樂迷首次接觸到精釀啤酒之餘，亦令我哋啤L發現原來啤酒唔係淨係配雞翼薯條，仲可以根據心情配搭唔同類型嘅音樂。從此，啤酒同音樂兩個世界就變得密不可分。
呢位音樂人一個event同時造福咗音樂界同啤酒界，所以我哋都一致認為一定要邀請佢成為「啤酒英雄」。佢亦大方接受咗我哋嘅邀請，造就咗hEROES嘅第一位英雄Cereusly。而Cereusly到今時今日仍然係我哋嘅皇牌之一。
