今日小編菜菜子🌱有幸去左Deadman Brewery釀酒廠同釀酒師Jason同Ka Ming傾佢地Deadman Brewery💀最新出嘅Duchess Night Out手工啤酒呀!!!
一去到就見到Deadman Brewery💀嘅門口咁靚😍個鐵門仲要係自動架，幾高級!!!
Deadman Brewery💀原來唔係淨係釀酒架!!你地睇下幾大，仲有個Bar枱架，好靚呀呢到!!!呢到有得篤波同打乒乓波，仲有好多嘅Board games玩添🎮🎮🎮原來係Deadman Brewery💀嘅網站可以預約Weekend嘅日子上去同朋友Chill架😍😍見到咁舒服我都即刻約我啲朋友Chillchill先啦🤪
釀酒師Jason因為自己好鍾意飲Fenders Wet Ale Style，Fenders Wet Ale Style係所有啤酒入面最似紅酒嘅啤酒。而今次Duchess Night Out手工啤酒所有嘅創造﹑包裝設計靈感來源都係模仿來自比利時的Fenders Wet Ale Style傳統啤酒牌子-女伯爵👸🏻
Fenders Wet Ale Style傳統嘅製作方法係用Wild yeast黎進行發酵，而釀酒師Jason就用自己研發嘅方法去模仿使用Wild yeast發酵出黎嘅味道製作Duchess Night Out，例如木橡的味道，因為Deadman Brewery💀釀酒廠其實係冇木桶㗎!!!🤣🤣🤣Jason仲話:「Fenders Wet Ale Style嘅酸啤係唯一一隻酸啤含有優良的醋酸，因為其他酸啤通常都係得乳酸嘅成份。」佢仲講左句金句益小編我:「Craft係整自己鍾意嘅野而唔係就人去整，就好像Omakase咁!」
Deadman Brewery💀最新推出嘅Duchess Night Out聞落去好Fruity，特別係梅香同車厘子比較突出，另外仲帶有少少醋酸同橡木嘅香氣。飲落去嘅第一啖酸酸地，味道主要係圍繞住醋酸同乳酸味，甜甜酸酸咁。我自己覺得幾易入口同埋幾開胃🤣🤣味道同一般嘅酸啤唔同，真係有少少木桶味，係幾特別😂😂😂
去到參觀釀酒嘅實際環境，另一位釀酒師Ka Ming好清楚詳細咁同我介紹左釀酒廠入面嘅機器運作﹑釀酒嘅每個程序﹑釀酒過程嘅注意事項等等...好有耐性咁同我講解，學識左好多新嘅野🤩🤩🤩
上面呢部機係用黎磨爛啲麥芽，令麥芽嘅外層裂開提取當中嘅糖，再放入糖化鍋(下面部機)。
發酵容器區
釀酒師Jason忙緊清潔嘅工作，確保釀酒過程入面唔可以有細菌出現!!!
入罐包裝區
估唔到係呢間釀酒廠入面最貴嘅機器黎😨😨😨😨
On tap tasting🥳🥳🥳即刻倒出黎嘅啤酒真係好好飲呀😋😋仲有佢個杯好靚呀😍😍😍😍
釀酒師Jason預告❗❗❗
下一隻Deadman Brewery將會係10月推出嘅手工啤竟然係同德國傳統嘅三月啤酒Marzen相似?!!?
每年10月德國慕尼黑都會舉辦啤酒節-Oktoberfest，其中最傳統嘅啤酒叫Marzen，中文意思係指三月啤酒。呢枝三月啤酒嘅傳統係德國人係3月將Marzen釀好等到10月嘅啤酒節攞出黎serve啲客人。而釀酒師Jason就透露黎緊10月將會推出原理相近嘅啤酒，大家千其唔好錯過呀!
釀酒師Jason過往攞過嘅獎🤩🤩🤩🤩🤩🤩🤩🤩🤩
